انتى طالق



ده عنوان كتاب قريته وعجبنى

واللى جواه مختلف عن العنوان خالص

انا ملاحظة الناس المتجوزة قعدة تشتكى وخلاص
حدش بقى بيحاول يعمل حاجة تغير من الواقع المظلم اللى هو عايش فيه
لأ مع انه مش هيخسر حاجة بل يمكن يكسب
لكن السهل طبعا الشكوى ولعب دور الضحية
فاللى عنده رغبة يحاول يعمل اى حاجة وميفضلش مستنى المبادرة دايما من الطرف التانى فى شوية كتب قريتها جايز تفيد وممكن الخصها لكو

نبتدى بالكتاب ده (على حسين ) بيبدأ من قبل الجواز



بيقول لازم البداية الصح يعنى تصارح الطرف التانى بعيوبك وزاذا قبلك على كده ماشى لكن الخداع اللى الطرفين بيعملوه بيؤدى لمصايب بعد كده

ولازم تتفقوا على كل حاجة طريقة النفاق عمل الزوجة
خروجها -نظرتكم للعادات الجتماعية ......
شوف فى بينكو توافق عقلى فى المال والمخاوف والمعتقدات
فى تقارب دينى وثقافى
قى تكافؤ اجتماعى


كمان مينفعش تتجوز واحدة حسة انها بتعمل لك خدمة انها اتجوزتك
وتنظر لك نظرة الشريك الأدنى


لما تسأل حد انت عايز تتجوز ليه بيستغرب قوى مع ان الهدف مختلف جايز عشان المتعة جايز نفسه فى العيال ولا اعمارا للأرض الخ الخ ومن خلال ده هتختلف رؤيتك لأداء الطرف الآخر

طب هل تتجوز صالونات ولا عن حب

مش معنى الصالونات انه اختيار للعقل فقط فالحد الدنى للعاطفة هو القبول وده بيتطور بعد كده للميل ثم الرغبة فى الأرتباط واحيانا بيوصل لللحب المتبادل

ومش معنى الأختيار بالعاطفة انك تلغى عقلك

بس دايما لازم ترتب اولوياتك مثلا لو الجمال فى اول القائمة لازم تعرف ان ده ممكن يكون على حساب المستوى القتصادى مثلا
لكن لو مرتبتش اولوياتك دايما مع كل شخص هتشوف الشىء الناقص فيه وترفضه لأن مفيش حد هتتحقق فيه كل الصفات اللى نفسك فيها
شوف هتقدر تتكيف مع السلبيات اللى فيه ومتعقدش تتوقع انها هتتغير او انت هتقدر تغيرها هى جايز تتغير طبعا لكن دلوقتى حدد على انها موجودة مش هتتغير


طيب لو استخرت واستشرت واقدمت ولسه حاسس بالقلق ده طبيعى لأنك مقدم على خطوة كبيرة
طيب هل حسن الأختيار يمنع المشاكل؟

طبعا لأ مثلا علاقة الأبن بأبوه ابدية لكن فيها مشكل ولما تحصل المشاكل مبتنهيش العلاقة

لكن دايما الواحد يصاب بصدمة مع اول مشكلة تقابله بعد الجواز ويفكر هل كان غلطان

بعد شهر العسل بتبدأ خلافات تافهة واحد عايز ينام والتانى مشغل التلفاز
مش بتشيل الأطباق من عالسفرة..........
هل الحب اختفى
لأ لكن فى فترة تأقلم فى بداية الجواز يمكن تمتد سنين
وفى الفترة دى لازميكون فى مهارات تواصل بينكو
لو الغضب جامد متصرخوش فى بعض او تتهكموا وتنتقدوا بعض استنوا لما تهدوا وبعدين اقعدوا وكل واحد يقول للتانى عاللى بيزعجه ومش اهم حاجة ينتهى النقاش بانتصارك انك انت اللى على حق الهم توصلوا لحل تحسوا فيه بالسعاده والأحترام
__________________
ا


اما بيجى بقى اول طفل لازم تكونوا مقسمين دوركو فى البيت الأعمال المنزلية يعنى لأن معظم طاقتها هتتوجه للطفل لدرجة انك هتحس ان الحياة الرومانسية اتدفنت تحت رعاية الطفل فلازم مجهود فظيع من الطرفين عشان يفضل الحب مشتعل
مهم تخصصوا على الأقل تلت ساعة يوميا تتكلموا مع بعض
واول ما يبقى الطفل ممكن يتساب مع حد لازم تخرجوا لوحدكو

طالما اصبحت زوج او زوجة لازم تشعر بالرضا لأن الوصول للزواج فى ظل الظروف الأجتماعية والأقتصادية دى شبه مستحيل لناس كتير وبياخد مجهود سنين
المشكلة ان كل واحد عايز يطوع التانى وبينسى ان فى فروق كتير بينهم وان لازم كل واحد يعرف حقوقه وواجباته ولو انت كرجل اديتها احتياجاته ا بعد متعرف هى ايه ده مش ضعف بل يدل على رجولتك واخلاقك العالية والطبيعى انها هتسعى تلبى لك احتياجاتك
__________________
ا
طب ايه احتياجات الزوجة؟

1=ان تظهر لها اهتمامك وانها انسانة خاصة فى حياتك
2= تحسسها انك متفهم ما تمر به من حالات نفسية متقلبة وتتفاعل مع مشاعرها
3=تحسسها ان شخصيتها جديرة بالأحترام
4=تدى متطلباتها اهمية واولوية وتديها الحق فى الجدال او الشكوى بدون سخرية منها
5=تأكيط مستمر على مشاعرك بالكلام لأن مهما اثبتت تصرفاتك حبك لها برضه بتحتاج الكلام


احتياجات الزوج:
ثقتك فيه وتقديرك لأسهاماته عشان الأسرة
2=القبول دو ن اشتراط التعديل وثقتك انه يقدر يصلح اخطائه بدون نصح مستمر منك
3=اعجابك بشخصيته ومواهبه
4=حسسيه انه الشخص اللى كنتى بتتمنيهوشجعيه باستمرار وحسسيه بمدى تفهمك له
__________________
ا

كل انسان بيحب التجديدوده اللى هيحافظ عالحب

عزيزى الرجل:

بطل غلاسة على مراتك

اه ما انت اكيد عرفت ومن ايام الخطوبة ايه اللى بيثير حساسيتها او يغضبها طب بتثير الحاجات دى ليه وترجع تقول انا مش سعيد فى جوازى!!

متفهمش الرجولة غلط انها معارضة لأى اقتراح من مراتك لأنك كده هتحسسها ان ملهاش قيمة

الرجولة مش معناها البطش والتعالىوتتفيه عقل الست
لكن قوامتك فى رعايتها ورحمتها وانك تعرف تشد امتى وتلين امتى
ولازم تفهم ان العاطفة عند المرأة اقوى كتير فلو اتحكمت فى بعض تصرفاتها العاطفة متغضبش
اجعل شغلك الشاغل البحث عن الجمال الموجود فى مراتك مش فى الستات التانية


لازم تفهم ان حياتك معاها هات وخد ولو انت ما اسعدتهاش هى كمان مش هتسعدك والست بطبعها بتحب العطاء والتضحية
والموضوع بسيط نفس الرقة والجنتلة فى التعامل مع الستات التانيين اعملها مع مراتك طب ده هى احق اعمل لها اسم دلع اشركها فى امورك غازلها
حاول تعرف مفتاحها واعرف ان ظروف نشأتها فى اسرتها اكيد مأثرة عليها
__________________
ا



حافظ على استمرار الحوار بينكو سواء باللفظ او نظرات الأعجاب وضمة حنان ...

لا تدع مشكلات عيلتك او عيلتها تدخل فى مجال اسرتكو ومتخليش علاقتك بأمك تطغى على علاقتك بيها او العكس

مش من المرؤة انك تهينها او تضربها وخصوصا قدام ولادك ولو لك بنت مش هترضى لها الأهانة من جوزها
__________________

عزيزتى الزوجة

انتى كنتى قبل الجواز البت الدلوعة اللى طلباتها كلها محابة ومحدش بيدوسلها على طرف
دلوقتى لازم تبذلى مجهود عشان اسرتك الجدبدة تبقى سعيدة
اتعلمى تقولى له بحبك بطرق غير تقليدية بالتصرفات وانكار الذات وحافظى على الرومانسية فى العلاقة اعملى له مفاجآت عشا رومانسى على ضوؤ الشموع
غيرى دايما فى مظهرك حتى لا يمل
كونى دايما جنبه فى الأوقات السعيدة وايام حزنه
اهتمى بأدق التفاصيل فى مظهره وغيره
والرجل طفل كبير دايما محتاج الحنان والتدليل
__________________
ا
يا جماعة متسيبوش اى خلاف بينكو يستمر لليوم التالى
محدش يتكلم عن تجاربه السابقة فى الماضى مع حبيبة او خطيبة او زوجة سابقةب
بلاش النقد اللاذع وسيطر عالمشكلة قبل ما تكبر
اتنازلوا شوية عن اشياء عشان انت لازم تحب له اللى تحبه لنفسك

متبقوش انانيين تاخد كل حاجة او تاخد اكتر ما بتدى

كل ست عايزة تقتنع انها اخر واحدة فى حياة جوزها
اعرف ان الجواز ميثاق غليظ فكر قبل ما تعمل اى خطوة بعدها لا ينفع الندم

ادى القدوة لشريك حياتك فى الحاجات اللى نفسك يعملها

متخليش القرايب يتدخلوا فى حياتكم

اعرفوا ان بعض العادات مش هتتغير مع الزمن او هتاخد وقت طويل فمتضخموش الصغائر

تقبل تبعات ومسئوليات الجواز بنفس راضية
ماتحرجش شريك حياتك
احترام الحقوق المالية

اعملوا حاجات مشتركة مع بعض زى عمل تطوعى مثلا ده هيقرب بينكو جدا
تهادوا تحابوا
عند اى خلاف افتكر حسنات الطرف التانى والخبرات السعيدة اللى مرت بيكو متخليش ساعتها المساوىء تطغى على عقلك

اسأل نفسك بتعمل ايه عشان تظهر اهتمامك بالطرف الآخر
وايه احلامكو المشتركة للمستقبل

الزوجة الذكية هى اللى تختار الوقت المناسب للطلبات او ابداء الملاحظات

الشيطان بيستخدم كلمة كرامتى عشان يبرر الخطأ والبعد عن التصالح ساعة الخلافات

لا تهرب من المنزل عند حدوث المشاكل


متبعدوش عن بعض كل واحد عامل لنفسه قوقعة يعيش جواها

الأختلاف الدائم فى الرأى يولد اختلاف القلوب فمفيش مانع توافق الطرف التانى احيانا حتى لو مش مقتنع

كونوا اعوان لبعض على طاعة ربنا

لو انتى زوجة عاملة وفقى بين الشغل والبيت
لا تتجهمى اذا حضر اهل زوجك واكرمى حماتك
سعادتك الزوجية مش معناها خلو حياتك من المشاكل لكن القدرة على حل المشاكلل دى من غير م ا تأثر فى العلاقة بينكو
__________________

]مفاجآت هتقابلك فى الجواز
1=يشعر المتزوج احيانا بالوحدة رغم وجود الطرف الآخر والأولاد فى حيته

2=يشعر احيانا بالفتور وعدم وجود الدافع القوى لحب الطرف الآخر وده طبيعى لأن مستحيل تفضل المحبة بدرجة الأفتتان الأولى وللنفس اقبال وادبار[/color]
__________________

3=يطرأ تغيرات على شريكك فى شكله او اهتماماته بسب تقدم العمر والنضج

4=كثرة الخلافات وطبيعى انكو مش هتتفقوا على كل شىء فى الحياة

5=الصدمة لما تتفاجىء ان مش لكلل مشكلة حل بل احيانا الزمن والنسيان بيكون هو الحل6

6=تخيلك انك تقدر تخبى حاجات كتير عن الطرف الآخر بس فى النهاية دايما بيكشفها

7=اعتقادك ان كل ايامك هتكون سعادة ومتعة لكن الحقيقة انها هتتقلب بين الحلو والمر

8=كل طرف بيعتقد انه بيضحى اكتر من التانى ولو تحاواروا بيكتشفوا ان التانى فاكر كده برضه
__________________
ا



الأطفال هل تزيد السعادة ام تنقصها؟

لازم تعرف ان الحامل بتحتاج معاملة خاصة لأن فى تغيرات نفسية وفسيولوجية

بعد الولادة الطفل الكبير اللى هو الزوج بيغير من الطفل الصغير و يبقى كلامه كله انتى مقصرة فى كذا

فخدى بالك من نفسية جوزك

ومتقارنوش حالكو ايام الخطوبة وبداية الجواز بحالكو بعد الأطفال

المشكلة ان الطفل بيخلى مفيش وقت ليكو مع بعض تخرجوا او تتكلموا او حتى العلاقة الحميمة

وقد تضطر للعمل ساعات اكتر لتأمين المال فلازم تعملوا تواريخ منتظمة يبقى وقتكو كزوجين ويبقى فى وقت تتكلموا مع بعض يوميا وميبقاش كل الكلام عن الشغل والعيال لازم تتشاركو هواية لو تشوفوا حتى فيلم سوا او تناقشوا كتاب

الأنتقاد بيموت العلاقة فخلوا المعارك للحاجات الخطيرة وبلاش تدقق على كل صغيرة


عززا الرومانسية:
مش صعب ترجع البيت بوردة ولا وجبة هى بتحبها
___________

بعض المشاكل التى تؤدى للطلاق:

الملل الزوجى وسهل توصل له بسبب الأنانية وسهولة ايجاد البديل وضعف الأخلاق
==========
الخيانة بسبب النت وغيره

ا===

الغيرة الغير محمودة
======
عدم التوافق الفكرى والروحى
=========
نقص الحساسية لرغبات ومشاعر الآخر نتيجة التربية او عد م الخبرة او تكوين الشخصية
====
الزواج المبكر وعدم النضج
========
التدخل الخارجى من الأهل او الأصدقاء
يصبح القرار بأيدى اخرين حيث يحاول الزوج حل المشكلة مع كل الطراف الأخرى بدل ما يحله مع مراته بس وكل من العيلتين يتشيع للطرف اللى يخصه وحتى لو رجع الزوجين لصوابهم يكون فات الأوان
============
مينفعش تقيس حياتك على حياة اهلك حتى فى تحديد الدوار والمسئوليات ففى اختلاف فى الزمن وتكوين الأشخاص
==========
عادات التلفظ بالطلاق وحلف اليمين عمال على بطال اللى ممكن يؤدى لأنهاء الحياة فعلا وهم فى غفلة انهم اتطلقوا
=========
عدم التوافق فى العلاقة الحميمة لتعرف الطرفين على المعلومات من مصادر جاهلة او مخطئة فلا غضاضة من التوجه لطبيب قبل الزواج يشرح ازاى يوصلوا لعلاقة متكافئة
==========التهديد بالزواج من اخرى
==============
الأنانية وعدم تحمل المسئولية وعدم الصبر
___



نصف حالات الزواج فى اعالم تنتهى بالطلاق

المجتمع هنا بيساعد ويحترم الأر ملة لكن المطلقة دايمامدانة ومتهمة بمحاولة خطف الزواج مع الحراسة الشديدة عليها من عيلتها واللى ممكن يضغطوا عليها فى جوازة تانية بسرعة بس احيانا بيبقى الطلاق هو الحل الوحيد وعادة يرفض الشباب الزواج من مطلقة بغض النظر عن اسباب الفشل
ومش صح ان الرجل لا يعانى من الطلاق لكن هو بيكبت مشاعره والحقيقة انه بيحس بمرارة وخيبة لفقدان دوره كزوج واب

اسباب متعلقة بالمرأة فى الطلاق:
بعض النساء لا تتردد فى طلب الطلاق مع كل مشكلة مع انها مش عيزة تتطلق

خروجها لبيت اهلها بسبب خناقة وتفضل هناك فترات طويلة فيبدأ يحس انه يقدر يستغنى عنها

رغبتها ان تكون الآمرة الناهية فى البيت

العناد والطلبات التى لا تنتهى

الأنتقاد الدائم للزوج

==========
اسباب من الرجل:
ضعف الوازع الدينى واستعمال حقه فى الطلاق بشكل خاطىء


الشتم والضرب خاصة امام الأبناء

السهر المستمر خارج البيت

عدم تقدير العلاقة الزوجية
العين الزايغة

البخل

رغبته فى مرتب زوجته


حرمان الزوجة من الأتصال بأهلها

الزواج من اخرى ليس عن حاجة لكن نكاية فى الزوجة الأولى

==============

اسباب مرتبطة بالمحيطين بالزوجين:

اهل الزوج او الزوجة قد لا يتمتعوا بالحكمة او النصح المين فيحرضوا

عرض المشاكل امام الأغراب اللى بيفتوا ومقارنة حياتك بالآخرين تؤدى للخراب

مشكلة ان مفيش توعية قبل الزواج
فى الوقت اللى عشان تطلع رخصة لازم تتعلم كيف تقود السيارة وبتدخل اختبارات للتأكد انك مؤهل
من غير معلومات نهائى امواجهة اعباء الزواج وتقود شخص اخر معك فى الحياة وتنجب اطفال تقودهم كمان



كل واحد معرض للفشل فى اى مشروع يقدم عليه واحيانا الطلاق بيكون سبب للنجاح فى الحياة الجديدة حيث يعيد الأنسان حساباته ويتخلص من اخطائه ويغير وجهة نظره نحو الحياة

اهم حاجة فى العلاقة هى الصداقة لأن الصداقة لا تتصدع فى وجود المشاكلوبتحتم عليك تدعم صديقك وتحتمله وتعطف عليه وتلتمس له العذر وانه يلاقيك فى الرخاء والشدة

الصداقة هتخلى التعامل باحترام بدل ما كل طرف بيحاول يفرض طباعه على الآخر ويطوعه كأنه ملكية خاصة

ولازم تساندوا بعض فى احلامكو حتى لو مش ممكن تتحقق ولازم متديش نفسك احساس انك بتضحى
اسأل نفسك وانت بتعامل زوجتك لو كان صديقى فى الموقف ده كان رد فعلى هيبقى ايه


عزيزتى الزوجة:

كونى له الصديقة المنعشة التى يأخذ من نشاطها وحماسها والحكيمة التى تمد له يد النصيحة والمشورة والصديقة التى لها نفس الأهتمامات وتقدر تفهم وجهة نظره

والمرحة اللى تقدر تخفف عنه الحزن وتنسيه مشاكله

ابدى محاسنك ولا تقبحى من صورتك امامه ولابد من التجديد والقضاء على الملل
تذكروا الماضى روحوا اماكن كنتو بتروحوها زمان اقرى له جواب كنتى بعتاه له

شاركيه طموحه واسألأيه عن احلامه
كونى مستودع اسراره
عبرى له عن حبك واعجابك بيه
تبادل الهدايا فى المناسبات

التسامح وتخطى الخصام بدون تحدى





==============================



كيف تنقذ علاقتك الزوجية من الأنهيار




د /فيل ماكجرو





ان كنت ترغب فى عملية انقاذ ناجح لعلاقتك الزوجية لابد من تنفيذ الشرط:انظر لنفسك نظرة واقعية لا تدافع عن عيوبك او تنكر وجودها-كن صادقا

طالما علاقتك الزوجية مضطربة فقد سمحت للمبالاة ان تستقر فى حياتك والقيت اللوم على شريكك او الظروف بدلا من ان تبذل الجهد لتجد الجابة الصحيحة بداخلك

المشكلة انك لم تتلقى دروسا كيف تتعامل مع الشريك او كيف تختار شريك حياة مناسب
وماذا تفعل حين تنشأ المشاكل وكيف تحدد موطن الخطأ
ولم تتلقى تعليم منهجى بشأن ما تتوقعه من علاقتك بشريك حياتك

وانت على الأرجح اخترت شريكك من منطلق الأسباب الخاطئة ثم واصلت العلاقة بتوقعا ت غامضة وبدون مهارات

وعلاقتك الآن تواجه ازمة بسببك انت لأنك برمجت اسلوب حياتك بشكل يخلق علاقة عقيمة فالعلاقة السيئة لتبقى على قيد الحياة لابد من تغذيتها طبعا مش بقصد منك لكن لو لم توطن نفسك على وجود الخصام واللوم والأعراض بدل التعاون والعذر والمودة لم تكن لتعانى هذا الألم الآن

اعلم انك تقول الآن ما تتحدث عنه بشأن اصلاح ذاتى عظيم حقا لكن ليس لديك فكرة عن مدى حماقة شريك حياتى بتركز عليا ليه وانا امثل نصف العلاقة!!!



رقصة التانجو تتطلب وجود شريكين وان استطعت تغيير نفسك وطالبت بحقك فى الأحتفاظ بكرامتك سيتأثر شريكك بذلك

تخلى عن طريقة التفكير التى تدور بك فى دائرة مفرغة فعندما يرى شريكك سلوكياتك البناءة لن يستطيع الجدال والشجار مع نفسه


علاوه على ذلك ما البديل؟

ان تستمر فى اسلوب حياتك الحالى كل يوم يمضى يوسع الفجوة بينك وبين امالك واحلامك-ان تستمر فى المعاناة؟؟

كن مستعد لتعترف ان كل ما تفعله او تشعر به ازاء العلاقة ليس مجديا

استعد لتعتنق انماط سلوكية وعاطفية جديدة وذلك سيكون اصعب مما تتخيل لأنى اطلب منك الضغط على زر محو الأفكار التى تشبثت بها 20 /30 سنة وتبدأ فى تبنى طريقة تفكير جديدة

وتذكر انه لا شىء يعيبك يجعلك لا تستحق علاقة مرضية حيث تشعر بالسعادة
__________________
ا




اجب عن الأسئلة لتعرف هل انت مستعد؟

1=هل تستطيع ان تقرر ان من الأفضل ان تكون سعيد بدلا من
ان تكون محق؟

2=هل يمكنك التوقف عن ممارسة لعبة اللوم؟

3=هل تستطيع التوقف عن الأنكار وتكون صادق بشأن علاقتك الحالية وبشأن نفسك؟

4=هل انت مستعد لتغيير الطريقة التى تتعامل بها مع شريك حياتك؟

لا تيأٍ اذا لم تستطع الأجابة بنعم لكن
يجب ان تخرج من رأسك ان العلاقة فشلت وانك جربت كل شىء وانك متعب ومنهزم ومحبط

حتى لو كنت تعرضت للجرح العاطفى كثيرا وطويلا بشكل سىء ولا تريد تعريض نفسك لمزيد من الألم ولم يعد لديك حافز لأن المشاكل تزداد عمقا


قل لنفسك بكل قوة داخل عقلك وقلبك (اتمنى ان اشعر بالرضا عن علاقتى الزوجية مرة اخرى
اتمنى ان اشعر بالحنان نحو هذا الشخص مرة اخرى لأنى كنت اشعر بلطف هذه المشاعر فى يوم ما)


اولا=يجب ان تصل لأصل المشكلة لأنك لا تستطيع ان تجد حل لما تجهله

ثانيا=لابد ان تتخلص من الأفكار الخاطئة حول العلاقات لأنها دفعت بك للمشاكل

ثاثا=مهم ان تتخلص من سلوكياتك السلبية التى تحدث اضرار للعلاقة فكثير من الأشياء فى ذاتك تحتاج اصلاح قبل ان تبدأ حتى للألتفات فيما يحتاج اصلاح فى شريكك


رابعا=سأعطيك وصفة للنجاح فى العلاقة واعادة الأتصال فربما سمحت للصلة بينك وبين شريك حياتك ان تظل متهتكة لسنوات عديدة وهذا يحتاج لعلاج
__________________
ا



انت الآن لست بحاجة لأن (ترغب) او (تنوى) البدء فى اصلاح العلاقة
بل ان (تقوم فعليا) بذلك-ان تعمل جاهدا يوميا لتحسينها كما تخصص يوميا وقت للذهاب لعملك خصص وقت لللقيام بالمهام فى هذا الكتاب لأعادة شحن العلاقة حتى لو ستلغى بعض من انشطتك واعتبره مشروع هياخد وقت
لأنك سمحت لعلاقتك توصل للمستوى ده من التدهور بعد وقت طويل وبالتالى امنح نفسك وقت مساوى للعمل على اصلاحها

سيصادفك خلال ذلك احباط وانتكاس والم لكن
لابد ان يقابلك تغيير ايضا

لابد ان تقرر وتعزم على الهدف لتصل اليه فليس من النضج ان تستسلم وترضى بأقل مما تريد

لا اقترح التفاؤل الأعمى وتوقع ان تختفى المشكلات لكن علاقتك ممكن تتطور للأفضل
__________________



اولا:تحديد المشكلة

حين تقول ان علاقتك تواجه ازمة اسألك ما المشكلة بالتحديد لن تعرف

قد تردد بعض
المواقف التى تحدث بينكم لكن لا تستطيع تحديد المشكلة مع ان تحديدها هو نصف الحل

ومهم تكتشف ما قمت انت به شخصيا لتصل العلاقة لهذا الوضع

هات ورقة وقلم واكتب المشكلة بالتحديد



هل مارستم الأبوة فترة طويلة حتى نسيتم ماذا يعنى ان تكونا صديقين او حبيبين

هل ابتعدت عن شريكك بسبب شىء حدث منذ اعوام

هل عملكما يجعل ليس لديكما وقت لبعض

هل التوتر بسبب علاقة غرامية سابقة لك

هل توقفتما عن ممارسة العلاقة الحميمة
............الخ


ما اقوى المشاعر المسيطرة على العلاقة هل الأزدراء/اللامبالاة/العدوانية/عدم الثقة؟النقد/الغيرة........